A Directiva de Montes de Vigo, co seu presidente Uxío González á cabeza, presentou as súas demandas aos candidatos autonómicos do Partido Popular por Pontevedra: Marta Marino, Miguel Hidalgo e Mª Felisa Rodríguez, recollidas no documento que se adxunta AQUI.
Na xuntanza mantida púxose de manifesto a singularidade dos montes periurbanos de Vigo, cunha presión social de miles de persoas cada fin de semana, e cunhas necesidades de atención específica para poder atender as demandas desta cidadanía e na que a administración autonómica ten competencias para lograr a súa dinamización.
Os tres representantes do PP viron oportuno promover un tratamento específico desta casuística, cunha dotación orzamentaria axeitada, sendo o anel verde un exemplo claro de como abordar esta realidade ao igual que acontence en cidades como Vitoria ou en diversas cidades europeas.
Esta realidade tamén é extensible ás accións preventivas dos grandes lumes, que conviuse en que era un tema urxente e que require medidas estruturais de fondo que se anticipen a futuros episodios que todos os técnicos auguran que é moi probable que volvan a acontecer igual que en 2017. Particularmente é oportuno seguir coa proposta de actuacións conxuntas entre comunidades de montes e propietarios particulares para atender o monte particular que cada vez está máis abandonado, así como coa actuación nas faixas de defensa pasiva entre concellos limítrofes.