A Mancomunidade de Montes de Vigo está a difundir a figura de Agrupación Forestal de Xestión Conxunta como fórmula para abordar un tratamento integral dos entornos dos Montes Veciñais en Man Común de Vigo, buscando homoxenizar a xestión cos montes privados colindantes cos estas.
Para afondar no coñecemento desta figura desenvolveuse unha sesión formativa en Saiáns coa presenza tanto de comunidades de montes de Vigo como de propietarios interesados en participar no proceso. A sesión foi impartia por José Luis Chan, director xeral de Planificación e Ordenación forestal, e por Daniel Rodríguez, técnico da Asociación Forestal de Galicia. Na sesión abordouse:
a) A figura de agrupación forestal de xestión conxunta (AFXC): como elixir o tipo de entidade a crear (ou se convén apoiarse noutra xa creada), a forma de participar os propietarios e as comunidades de montes, a viabilidade desa nova figura, onde pode ter máis potencialidade, así como outros aspectos técnicos.
Dado o papel que as AFXC poden ter na prevención de lumes, tamén se falou das Áreas de Defensa Estratéxica, pondo como exemplo a que se está configurando no sur dos Montes de Vigo en colaboración con montes de Nigrán, e na que a AFXC que se está a promover na área sur dos montes de Vigo pode ter un papel importante.
Normativa asociada a AFXC: Tramitación e Modelos .
Enlaces ao procedemento da Xunta: Tramitación e Modelos
b) A orde de axudas para promover a creación de AFXC (prazo aberto ata o 15 de marzo). Orde resumida e Procedemento
